少咗垃圾咁衛生問題呢？！新西蘭航空宣佈於航班/候機室推「可食用咖啡杯」　飲完自己食埋隻杯......

近年全球各地都致力推動環保，唔少國家更因此推出一系列嘅環保政策。

早前新西蘭航空公司（Air New Zealand）就宣佈會喺目前嘅所有航班，及候機室內所使用嘅咖啡杯將全換成可食用杯。

Photo from airnz@IG

依款杯好似餅乾咁，飲完咖啡之後就可以直接食埋佢，咁就唔會製造更多嘅垃圾。

Photo from twiicenz @IG

而新西蘭航空指現時使用嘅咖啡杯都係用紙同粟米製成嘅「含植物咖啡杯」，目前每年供應超過800萬隻。不過為咗響應環保，佢哋就決定全部換成可食用嘅杯。

Photo from airnz@IG

新杯由新西蘭一間環保企業「twiice」所生產，依款由小麥粉、糖、雞蛋同香草製成。

Photo from twiicenz @IG

雖然暫時只有香草味。不過twiice就指佢哋會繼續研發，希望喺未來可以推出更多唔同口味嘅咖啡杯。

Photo from twiicenz @IG

相信大家睇到依到都會有一個疑問就係，隻杯好似餅乾咁，咁會唔會未飲完杯咖啡隻杯就淋晒呢？！

Photo from airnz@IG

依個大家就唔使擔心，據twiice表示，依款杯嘅保持酥脆時間同一般人飲完咖啡嘅時間差唔多，甚至可能更長，所以唔怕倒入咖啡後會出現軟化問題。

Photo from twiicenz @IG

另外，twiice更表示如果想要延長杯嘅使用時間，只要將杯儲存喺封緊嘅器皿中就可以喇！

Photo from twiicenz @IG

就咁睇，依隻可食用嘅杯的確好似比普通嘅紙杯更加環保。

Photo from twiicenz @IG

但衛生問題呢？如果要生產更多塑膠嚟包裝嘅話，咁會唔會有得不償失嘅情況呢？！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）